Reit par qadmon ke nishaan Dhoondtaa hai
har Shakhs yahaan apni pahchaan Dhoondtaa hai
Boodhee Bewaa ke chehre ki jhurriyon mein
waqt apni karwaton ke nishaan Dhoondtaa hai
Khaaki putle ki aish parasti to dekho
chaar din ke liye qasr aalishaan Dhoondtaa hai
waqt ki Shaakh se Tootaa hua aik lamhaa
khud mein saikdon hi toofaan Dhoondtaa hai
wahshaton aur darindagee ke is daur mein
insaan bhi yahaan bus insaan Dhoondtaa hai
woh jisko nafrat hai meri tahzeeb se bahot
baat karne ko urdu zabaan Dhoodtaa hai
zaahir to bahot pakeezaa hai mera 'Tabish'
baatin magar mujh mein iimaan dhoondtaa hai..!!!!
No comments:
Post a Comment